Җыелган акчаны нәрсәгә тотканнар?

Гади генә итеп кенә әйткәндә, бу карар район, авыл җирлекләрендә референдум үткәрү нәтиҗәсендә халыктан акча җыю һәм аны дәүләти компенсаңияләү турында. Ягъни, республика бюджеттан җыелган акчаның бер сумын дүрт сум итеп авыл җирлекләренә кире кайтарып бирә. Әлеге акчаларны җирлекләр юлларны, чишмәләрне төзекләндерүгә зиратларны, күперләрне ремонтлауга, урамнарга лампалар куюга, халыкны су белән тәэмин итү, һәйкәлләр кую, чүплек салу урыннары булдыру, янгын куркынычсызлыгы буенча чаралар үткәрү, ял итү урыннары, спорт мәйданчыклары төзүгә тота ала. Узган 2014 елда шушы карар кысаларында республика бюдңетыннан 277,8 миллион сум акча күчерелгән.