Урып-җыю эшләренә әзерлекне тикшерү комиссиясе белән «Балык Бистәсе ВЗП» хуҗалыгында булганда белгечләр безне елның-елында уракта макталучы игенче Илдус Сибгатуллин белән очраштырырга ашыктылар.
Кызу эш вакытында аны районда очратуы бик кыен. Алдагы елларны үз хуҗалыкларында бөртекле культураларны җыеп алгач, көнбагыш суктырырга Яшел Үзән, Алексеевск, Әлки, Норлат районнарына ярдәмгә чыгалар иде. Егет үзенең күләмле хезмәте белән күрше район хуҗалыкларында танылу таба. Шунысы да игътибарга лаек, ул "Класс" маркалы чит ил комбайнын 7 ел инде карап, саклап эшләтә. Быел да ул уракка җитди әзерлек белән килгән. Егерме икенче ел иген җыюда катнашучы Илдус Сибгатуллин (рәсемдә.автор фотосы) бу көннәрдә дә лидерлар рәтендә бара.
Идрис Аметов.
Нет комментариев