Зур Мәшләк авылында «Каз өмәсе»ндә булып кайттык

Азат оста гармунчы буларак тирә-юньгә танылган, күп төрле конкурс-фестивальләрдә призлы урыннар яулаган егет. Ә тормыш иптәше Дания Зур Мәшләк авылы мәдәният йорты җитәкчесе, вакытлыча китапханәче булып та авылдашларына хезмәт күрсәтә. Сәнгатьне яратканнар җырсыз-моңсыз яши алыр идемени?! Һич юк! Шуңа күрә каз-үрдәкләрне шактый мул алып үстергән Афзаловлар быел да «Каз өмәсе» йоласын башлап җибәрделәр.

...Без эшнең нәкъ кызган чагына туры килдек. Ут күршеләребез - Мамадыш районының Югары Сөн авылыннан килгән “Сөн бизәкләре” халык фольклоры ансамбле үзешчәннәре җырлый-җырлый  каз мамыгын йолкый иделәр:

Каз канаты каурый-каурый, 
Хатлар язарга ярый…

Җыр көенә эш тә гөрләп бара. Уңган ханымнарның куллары-кулга йокмый. Берәүләр казның башын, тәпиләрен, канатларын кисеп алса, икенчеләр аны ишегалдындагы казанда кайнар суда пешекли. Һәм шуннан соң эшнең иң кызу өлеше - мамык йолкуга керешәләр. Үтүкләп эшләгәнгә караганда пешекләсәң эш тә тизрәк бара икән.

Фәрвәз Каюмова

Дәвамын «Авыл офыклары» газетасы битләрендә укый аласыз