Районда язгы кыр эшләре көннән-көн киңрәк колач ала
Районда язгы кыр эшләре көннән-көн киңрәк колач ала. Күпчелек хуҗалыклар кырларга чыктылар инде. Кайберләрен туфрак өлгереп җитмәү генә кулларыннан тота.
Авыл хуҗалыгы һәм азык-төлек идарәсеннән алынган мәгълүматларга караганда, 9300 гектар мәйданнарда көзге культуралар тукландырылган. Бу барлык мәйданның 81 процентын тәшкил итә. 11400 гектар (76%) мәйданнарда купьеллык үлән участоклары ашланган. 3900 гектарда күпьеллык үлән участоклары, 2400 гектардан артык туңга сөрелгән участоклар тырмаланган. “Логос”, “Кама-Агро” җәмгыятьләре, Габдриев,Галяветдинов, Закирова крестьян-фермер хуҗалыклары көзге культуралар тукландыруны төгәлләгәннәр дә инде. “Кулон-Агро”механизаторлары көзге культураларның 64 процентын, “ВЗП Балык Бистәсе”ндә 68 процентын тукландырганнар.
“Кама-Агро”, “ВЗП Балык Бистәсе”, “Зюзино” хуҗалыкларында Галяветдинов крестьян-фермер хуҗалыгында туңга сөрелгән участокларын тырмалау тулы куәткә бара.
Следите за самым важным и интересным в Telegram-каналеТатмедиа