Авыл хуҗалыгы
Балык Бистәсенең “Масловский” хуҗалыгы тракторчысы Марат Валеев мактауга лаек
Быел "Масловский" хуҗалыгы тракторчысы Марат Валеевнең язгы кыр эшләрендә катнашуына 30 ел булган.
Агымдагы язгы чәчүдә аның хезмәт өлеше аеруча зур. Элек 6 берәмлек трактор эшкәрткән күләмне бер үзе башкарып чыккан. "Джон-Дир" тракторында барысы 1,5 мең гектардан артык мәйданда тырмалау һәм культивация үткәргән. Тракторын куйгач "яшел урак"та катнашасы "Магдон" комбайнын яхшылап эшкә әзерләгән ул. "Яшел урак"та да 10 нчы ел катнашуы. Бу тракторына утыруына да 11 ел тулган инде. Бер кулда һәм сакчыл механизатор карамагында булганга, ике техникасы да хуҗаларына хилафлык кылмыйлар, олы ватылуларга юлыкмыйлар. Шуңа күрә Маратның эш нәтиҗәләре дә сөендерә торган.
Следите за самым важным и интересным в Telegram-каналеТатмедиа
Нет комментариев