Авыл хуҗалыгы
Балык Бистәсенең “Кама-Агро” хуҗалыгының мактаулы механизаторы Нурислам Фәттахов 40 ел бер эштә
Кама-Агро" хуҗалыгының мактаулы механизаторы Нурислам Фәттаховның тракторчы буларак хезмәт стажы 40 ел белән исәпләнә. Ул Корноухово совхозында беренче хезмәт сынауларын үткән. Егет төрле маркадагы трактор-комбайннарда эшләргә өлгергән. Үзенә йөкләнгән һәр эшне күңел җылысын биреп башкарырга тырышкан. Терлекчелектә механик, Түбән Ыргада ферма мөдире булып эшләгән. Хуҗалык таркалгач Нурислам игенче хезмәтеннән 20...
Кама-Агро" хуҗалыгының мактаулы механизаторы Нурислам Фәттаховның тракторчы буларак хезмәт стажы 40 ел белән исәпләнә.
Ул Корноухово совхозында беренче хезмәт сынауларын үткән. Егет төрле маркадагы трактор-комбайннарда эшләргә өлгергән. Үзенә йөкләнгән һәр эшне күңел җылысын биреп башкарырга тырышкан. Терлекчелектә механик, Түбән Ыргада ферма мөдире булып эшләгән. Хуҗалык таркалгач Нурислам игенче хезмәтеннән 20 ел дәвамында бүленеп тора.
Олы Елга авылына йөреп хезмәт куюына да тиздән биш ел тула. Кышын биредә ул терлекчелектә эштән бушамый. МТЗ тракторы белән малларга азык ташый, арбасы тулган тиресне махсус урынга чыгарып түгә. Ә җәй айларында исә, куәтле К-700 тракторында сенаж салуда, яшел массаны таптатып тора. Быел елгалылар 6800 тонна сенаж, һәр шартлы терлеккә 26,3 центнер азык берәмлеге кышкы запас хәзерләргә өлгерделәр инде. Монда Нурисламның да саллы гына өлеше бар.
Идрис Аметов.
Следите за самым важным и интересным в Telegram-каналеТатмедиа
Нет комментариев