Балык Бистәсендә савым сыерларына өстенлек бирә башладылар

Районыбыз биләмәсендә бүгенгесе көнне 12888 баш мөгезле эре терлек һәм 4200 баш сыерлар исәпләнә. Шунысы куанычлы, терлекләрнең баш саны артуга таба бара.

Хәзер инде сөткә бәяләрнең тотрыклануы һәм әлеге продуктны реализацияләүдән хуҗалыкка һәр көнне акча керүен истә тотып терлек симертү белән шөгелләнүче кайбер фермерлар да сөтчелеккә күчә башладылар. Күптән түгел генә "Карагонов" фермерлык хуҗалыгы беркемнән ярдәм алмыйча үз хисапларына күрше Киров өлкәсеннән 30 баш нәселле таналар кайтарган. Алар киләчәктә савым сыерларының баш санын йөздән арттырырга исәп итәләр.

фото интернет чыганаклардан.

Автор Идрис Аметов.