Табиб эшкә барырга чыккан җиреннән вафат була
Чаллының 5нче номерлы шәһәр хастаханәсе табибы эшкә барганда вафат булган. 59 яшьлек ир-ат 1992 елдан башлап клиникада табиб-терапевт булып эшләгән.
Табиб иртән эшкә барырга чыга һәм автобус тукталышында аңын югалта. «Ашыгыч ярдәм» машинасы медикка ярдәм итәргә өлгерми калган. «5нче номерлы шәһәр хастаханәсе коллективы безнең хезмәттәшебез, табиб-терапевт вакытсыз вафат булу сәбәпле тирән кайгыда. Менә дигән белгеч иде ул. Ярдәм сорап мөрәҗәгать иткән һәр пациентка, вакыт белән исәпләшмичә, көннең һәм төннең теләсә кайсы вакытында ярдәмгә килергә әзер булган искиткеч кеше иде», — дип хәбәр иттеләр аның хезмәттәшләре.. Алар мәрхүмнең туганнарының һәм якыннарының кайгысын уртаклаша.
http://almet-rt.ru/news/mgyyat/tabib-eshk-baryrga-chykkan-irennn-vafat-bula
фото архив
Следите за самым важным и интересным в Telegram-каналеТатмедиа