«Гөнаһысын кая куярсың икән, Раяз?

Аучылыкны яратучылар арасында татарның танылган шәхесләре дә бар. Әйтик, җырчы Раяз Фасыйхов, элек Резидә Шәрәфиева белән җырлаган Равил Галиев, ТНВда «Без тарихта эзлебез» тапшыруын алып баручы Альберт Шакиров, Камал театры директоры урынбасары Инсаф Хәмитов һ.б.

Раяз Фасыйхов бүген инстаграмына ауда төшкән фото элде. Якын-тирә кап-караңгы. Җырчы-аучының кулында берничә түш кыр үрдәге. Фото астында русчалатып «Охота удалась!» дип язылган.

Раязның бу фотосы шактый зур шау-шу тудырды. Комментарий авторлары ике лагерьгә бүленде. Берәүләре Фасыйховның уңышына шатлана, икенчеләре аны гаеп итә. «Гөнаһысын кая куярсың икән?», «Бик круто дип уйлый торгандыр инде. Фасихов - минус ике. Хуш.» - менә шушындыйрак комментарийлар да бар.

чыганак: artistlar.ru