Балык Бистәсендә хатын- кызларны хөрмәтләделәр

Район мәдәният йортында 8 март – хатын-кызлар көненә багышланган концерт булды. Бәйрәм тантанасын Гөлия Кәримуллина белән Илшат Кәримуллин алып бардылар. Залда алма төшәрлек тә урын юк иде. Халык алкышлар белән һәр чыгышны каршы алды. Район башлыгы Илдар Таҗетдиновның котлау сүзләреннән соң, тыл ветераннарын “Бөек Ватан сугышында Җиңүнең - 75 еллыгы” юбилей медальләре белән бүләкләделәр. Аннан соң сәхнәгә “Ел хатын-кызы. Ел ир-аты: хатын-кыз карашыннан” конкурсының муниципаль һәм зональ этабы һәм “Нечкәбил” республика бәйгесе җиңүчеләрен чакырып котладылар. Аларга Дипломнар һәм истәлекле бүләкләр тапшырдылар.  Җиңүчеләрнең  һәр чыгышы концерт номерлары белән үрелеп барды.