Балык Бистәсе район башлыгы Илдар Таҗетдинов котлавы
Хөрмәтле янгын сагы хезмәткәрләре, ветераннар! Сезне һөнәри бәйрәмегез белән кайнар котлыйм.
Янгынчы - шәхси батырлык, тәвәккәллек, осталык таләп итә торган һөнәр. Сезнең службага янгыннарны профилактикалау, янгын чыккан очракта кешеләрне, аларның мал-мөлкәтен коткару кебек бурычлар йөкләнгән. Сез бәлага тарыган кешеләргә беренчеләрдән булып ярдәмгә ашыгасыз, күп вакыт тормышыгызны куркыныч астына куеп аларның гомерләрен саклап каласыз.
Сезнең һөнәри осталыгыгыз, тәҗрибәгез алга таба да гадәттән тыш хәлләргә киртә куярга ярдәм итәр дип ышанам.
Янгын-коткару часте хезмәткәрләренә, ветераннарга нык сәламәтлек, бәхет-шатлык, гаиләләренә иминлек, авыр, әмма абруйлы хезмәтләрендә уңышлар телим.
Илдар Таҗетдинов.
Следите за самым важным и интересным в Telegram-каналеТатмедиа