"Авыл офыклары" газета редакциясе укучыларына рәхмәтле

Иң мөһиме, без газетабызны, тиражыбызны саклап кала алдык. Әлбәттә, бу газета укучыларыбыз белән бергәлектә ирешкән уңыш. Һәрдаим район, авыл яңалыкларын безгә ирештергән, язмалары белән газетабызны баеткан актив хәбәрчеләребез Рамазан Кәбиров (Югары Тегермәнлек), Рәзилә Мөхәммәтрәхимова (Яңа Арыш), Нәзирә Миңнеханова (Юлсубино), Нәзирә Гыйззәтуллина (Казан), Гүзәл Хәбибуллина (Корноухово), Рузидә Гатауллина (Котлы Бөкәш), Күгәрчен, Зур Мәшләк мәктәбенең яшь каләм ияләренә дә рәхмәтебез чиксез. 
Бүген сез бу елның беренче санын кулыгызга аласыз. Газета битләрендә нинди темаларга язмалар күрергә телисез, аны тагын да эчтәлекле итү өчен нинди киңәш-фикерләрегез бар – языгыз, сездән хат-хәбәрләр көтәбез, хөрмәтле укучыларыбыз! 
Киләсе елларда да бергә булыйк, район сулышында яшик! 
                         

«Авыл офыклары» редакциясе.