Милләт исән чакта Сабантуйлар, Мәңге яшәр безнең йөрәктә!

Сабантуй - безгә гасырлардан килгән милли бәйрәмнәрнең берсе. Халкыбызның матур гореф-гадәтләрен, җырларын, биюләрен берләштерә торган хезмәт бәйрәме. 
9 июнь якшәмбе иртәсендә район халкы, кунаклар Балык Бистәсендә  милли бәйрәмгә җыелды. Театральләштерелгән тамашада Сабантуй батыры өчен яулык җыю, туган җиргә мәхәббәт, ихлас мөнәсәбәтләр,   җитезлек ярышлары, талантларыбыз башкарган җыр һәм биюләр  күрсәтелде. Мәйданга Сабантуй символы – зур чигелгән сөлге чыгарылды.
Быел Сабантуй Россия Федерациясендә Гаилә елы кысаларында уза. Мәйдан буйлап илле ел бергә яшәгән гаилә парлары атлый. Гаилә  бәхете бөтен илнең бәхете белән юкка гына тиңләнми.  
Мәйдан район Сабантуе кунакларын – Татарстан Республикасы Хезмәт, халыкны эш белән тәэмин итү һәм социаль яклау министры Эльмира Зарипова, Чистай районы башлыгы Дмитрий Иванов, республика прокуроры урынбасары Илнур Ибраһимов, «Чистай» холдинг компаниясе акционерлык җәмгыятен оештыручы Альберт Хөснуллин, Белоруссиядәге Татарстан вәкиллеге җитәкчесе Илһам Кашапов, Белоруссиянең Минск өлкәсе, Стародорожское район Советы  депутатлары рәисе Дмитрий Давыдов, Татарстан Республикасы  Биологик ресурслар буенча дәүләт комитеты рәисе Федор Попов, Тольятти шәһәре татарларының милли мәдәни автономиясе вәкиле Фәрит Хәсәновны сәламли.
– Бүген без барыбыз да яраткан Сабантуй бәйрәмен каршылыйбыз, ул чын мәгънәсендә милли рухның чын энҗесе булды. Сабантуйны бәйрәм итү Гаилә елында аеруча зур әһәмияткә ия, анда гаилә кыйммәтләрен һәм буыннар дәвамлылыгын саклауга зур игътибар бирелә. Бу матур бәйрәм һәр йортка бәхет һәм иминлек китерсен, – диде Радик Ислямов бәйрәм белән котлап.
Район халкы исеменнән ул район территориясендәге программаларны уңышлы тормышка ашырылуы өчен Татарстан Республикасы Рәисе Рөстәм Миңнехановка, Хөкүмәткә, Дәүләт Советына, авыл хуҗалыгы җитеш-терүчеләренә ярдәм иткән Авыл хуҗалыгы министры Марат Җаббаровка,  Сабантуйны әзерләүдә һәм үткәрүдә  булышканнары өчен предприятиеләргә, учрежде-ниеләргә,  эшмәкәрләргә рәхмәт белдерде. 
Радик Рәмисович чәчү кампаниясен уңышлы уздырган районыбыз игенчеләренең, шулай ук район терлекчеләренең фидакарь хезмәтләрен билгеләп үтте. Агымдагы елда «Григорьев» крестьян-фермер хуҗалыгында  роботлаштырылган саву җайланмасы белән яңа заманча комплекс кертелде, эре авыл хуҗалыгы җитештерүчеләре арасында «Кулон-Агро», «Логос», «Кама-Агро»,  «ВЗП Рыбная Слобода», «Арыш-Агро» хуҗалыклары аерым атап узды.
 Радик Ислямов якынлашып килүче Россия көне белән котлады һәм махсус хәрби операция зонасында хәрби бурычын намус белән үтәүче ир-атларга батырлыклары өчен рәхмәт сүзләрен әйтте.
Ул бәйрәмгә килгән  хөрмәтле кунакларны, бигрәк тә Белоруссия Республикасы делегациясен чын күңелдән сәламләде. 
Партнерлык мөнәсәбәтләрен ныгыту максатыннан Минск өлкәсенең Балык Бистәсе һәм Стародорожский районнары арасында хезмәттәшлек турында килешү имзаланды. Районыбызга күрсәткән хезмәттәшлек һәм ярдәмнәре өчен барысына да рәхмәт әйтте.
 Татарстан Республикасы Хезмәт, халыкны эш белән тәэмин итү һәм социаль яклау министры Эльмира Зарипова Татарстан Республикасы Рәисе исеменнән Сабантуй бәйрәме белән котлады.
 

Дәвамын «Авыл офыклары» газетасы битләрендә укый аласыз.

Таңсылу Минһаҗева

Идрис Аметов