Эшчәннәрне данладылар

Шунысы куанычлы, хәзер инде трибуна артына басып озын  нотыклар сөйләп ел дәвамында башкарган эшләр хакында хисап тоту үткәндә калды. Районыбыз эре җир биләүчеләре белән фермерлык хуҗалыклары җитәкчеләренең чын мәгънәсендә олылап бәйрәм итәрлекләре дә бар шул. Чөнки бу елның шактый коры килүенә дә карамастан, игенчелектән мул уңыш җыеп алуга ирештеләр.

Бу хакта әлеге тантананы ачып район башлыгы Радик Ислямов белән Татарстан Республикасы Авыл хуҗалыгы манистры урынбасары Дмитрий Яшин да залда утыручыларга үзләренең җылы мактау сүзләрен җиткерделәр. Әлбәттә, мондый көнне район авыл хуҗалыгы идарәсе башлыгы Динар Сөләйманов та читтә калмады. Иртә таңнан башлап җир йөзенә караңгы иңгәнчегә кадәр бар вакытын диярлек игенчеләребез һәм терлекчеләр арасында үткәргән җитәкченең сүзен озакка сузмыйча  мәгънәле итеп үз тәбрикләвен җиткерүе дә залда утыручылар күңеленә май булып яткандыр.

Шуннан соң алар районыбыз эре җир биләүчеләренә һәм бер төркем фермерларына, хезмәт алдынгылары белән хөрмәтле ветераннарыбызга дәүләт бүләкләрен тапшырдылар.

Идрис Аметов

Дәвамын «Авыл офыклары» газетасы битләрендә укый аласыз