«Ел хатын-кызы. Ел ир-аты: хатын-кыз карашы» конкурсы узды
Татарстан Республикасы Президенты ярдәме белән ел саен уздырылучы «Ел хатын-кызы. Ел ир-аты: хатын-кыз карашы» конкурсы республиканың социаль-икътисадый үсешенә зур өлеш керткән, мәдәнияткә, рухияткә, үсеп килүче буынны тәрбияләүгә, гаилә институтын ныгытуга ярдәм иткән хатын-кызларны ачыклау максатыннан оештырыла.
Март аенда Казанның “Корстон” күңел ачу комплексында “Ел хатын-кызы. Ел ир-аты: хатын-кыз карашыннан” республика конкурсына йомгак ясалды. Биредә төрле номинацияләрдә иң-иңнәре дип табылган күркәм ханымнар тәбрикләнде.
Билгеле булганча, әлеге бәйге өч этапта уздырыла: муниципаль берәмлекләрдә сайлап алу, зональ турлар һәм Казандагы финал. “Корстон”да узган тантаналы чарада район башлыгы урынбасары, “Мәрхәмәтлелек-Милосердие” хатын-кыз депутатлар берләшмәсе җитәкчесе Фирдания Әхмәтҗанова җитәкчелегендә әнә шул сайлап алу турларын уңышлы үткән районыбызның алдынгы, уңган ханымнары катнашты.
Следите за самым важным и интересным в Telegram-каналеТатмедиа