Мәче һәм эт хуҗалары өчен киңәшләр

Бүген без сезгә дүрт аяклы дустыгызны баланслы рацион белән тәэмин итәргә ярдәм итәчәк берничә киңәш белән уртаклашабыз.
*  Сыйфатлы азык сайлагыз.
Азык сайлаганда аның составына игътибар итегез. Анда барлык кирәкле туклыклы матдәләр: аксымнар, майлар, углеводлар, витаминнар һәм минераллар күрсәтелгән булырга тиеш. Билгесез яки ясалма ингредиентлы азыклардан качыгыз. Аерым ихтыяҗларны исәпкә алыгыз. Һәр йорт хайваны уникаль, шуңа күрә аның яшен, токымын, зурлыгын, активлык дәрәҗәсен һәм сәламәтлек торышын исәпкә алу мөһим. Мәсәлән, яшь хайваннарга үсү өчен күбрәк аксым кирәк, ә өлкән яшьтәгеләргә – азрак калория.
* Артык ашатмагыз.

Күп кенә йорт хайваннары хуҗалары үзләренең йорт хайванын ничек җиңел артык ашатуларын аңламыйлар. Порцияләрнең зурлыгын күзәтегез һәм хайванга өстәлдән күчтәнәчләр бирмәгез.
Бу симезлектән һәм сәламәтлек белән бәйле проблемалардан сакланырга ярдәм итәчәк. Рационны төрлеләндерегез. Күпләр йорт хайваннарын махсус азыклар белән ашатуны өстен күрсә дә, төрлелек тә мөһим. Табигый ризыклар сайласагыз, баланслы рацион төзү өчен ветеринар белән киңәшләшегез. Мисал өчен, менюга майсыз ит, яшелчәләр һәм ярмалар өстәргә мөмкин. Әмма кайбер ризыкларның хайваннар өчен зыянлы булырга мөмкинлеген онытмагыз. 
*Савытында чиста су булсын.

Йорт хайваныгызның һәрвакыт чиста суга ия булуына инаныгыз. Савыттагы суны көн саен алыштырыгыз. 
*Ветеринар белән киңәшләшү. 
Туклану буенча киңәш сорап, ветеринарга мөрәҗәгать итүдән кыенсынмагыз. Белгеч сезгә йорт хайваныгызның индивидуаль үзенчәлекләрен исәпкә алып, оптималь рацион сайларга ярдәм итәчәк. Исегездә тотыгыз, дөрес туклану – ул йорт хайваныгызның сәламәтлеге генә түгел, ә аның өчен шатлык та. Аның рационын күзәтегез, һәм дүрт аяклы дустыгыз сезгә рәхмәтле булыр!