Татарстанда төзүчеләр һәм башка оешмалар милкендә калган торак биналарга салым кертергә планлаштыралар.
Тиешле закон проектын ТР Дәүләт Советының Бюджет, салымнар һәм финанс комитеты әгъзалары алдан хуплады. Бу хакта республика парламенты матбугат хезмәте хәбәр итә.
Документны Татарстан Финанс министрлыгы эшләгән. Ул торак урыннарның кадастр бәясеннән чыгып, Оешмалар мөлкәтенә салым буенча салым базасын билгеләүне күздә тота. Төзүчеләргә караган торак биналар өчен 0,3% ставка билгеләячәкләр. Кадастр бәясе 300 млн сумнан артып киткән объектлар искәрмә булып тора.
Шул ук вакытта дәүләт социаль программалары кысаларында төзелгән торакны салымнан тулысынча азат итәчәк. Алар арасында-социаль ипотека, ятим балаларны торак белән тәэмин итү, авария хәлендәге йортлардан күчерү һәм махсус хәрби операциядә катнашучыларга ярдәм итү.
Закон проекты буенча соңгы карарны Татарстан Дәүләт Советы депутатлары кабул итәргә тиеш.
Нет комментариев