Спорт белән яшь буын гына түгел, ә өлкәннәребез дә шөгыльләнсен өчен, сынап карарга булдым,- ди Айнур Фатыйхов

Сабан туенда район халкы һәм кунаклары өчен ГТО хәрби-спорт комплексының мобиль мәйданчыгы эшләде, анда теләгән һәркем нормативларны тапшыра алды. Мәсәлән, озынлыкка сикерү, куллар белән иелү, гер күтәрү каралган.
Чараны Балык Бистәсендә ГТО буенча куратор Айнур Фатыйхов оештырды.
-Мин ГТОны Сабантуй бәйрәмендә үткәрергә, кешеләрне ГТО хәрби-спорт комплексының барлыкка килүе турында күбрәк таныштыру өчен, спорт белән яшь буын гына түгел, ә өлкәннәребез дә шөгыльләнсен өчен, сынап карарга булдым. Барысы да югары дәрәҗәдә узды, ярдәм итүчеләргә рәхмәт!
- диде Айнур.

Мәликә Рәсүлова