Балык Бистәсендә хатын-кыз мәете табылган
2019 елның 10 маенда якынча 12.00 сәгатьтә Кама елгасы ярында Камский поселогынан 500 метр ераклыкта билгесез хатын-кыз мәете табылган. Аның янында шәхесен раслаучы документлар булмаган.
Аерым билгеләре: 40-45 яшьләрдә, буе 160 см., тән төзелеше уртача, чал чәчле , 2018-2019 елларның көз-кыш айларында үлгән дип фаразлана.
Мәет өстендәге киемнәр: көрән төстәге трикотаж гамаш; аклы-кызыллы, буйлы, шакмаклы рәсемнәр төшерелгән халат; кара төстәге трусиклар; кара, кышкы, замоклы, үкчәсез ярым сапожкилар; кара язгы-көзге, озынлыгы тезгә кадәр булган куртка; куртка кесәсендә бер тимер ачкыч, бер магнитлы ачкыч, таш формасында брелок . Мәетнең муенында сары металлдан эшләнгән, 0,7-0,8 мм. юанлыктагы яссы чылбыр, сары металл тәре.
Мәетнең шәхесен раслардай мәгълүматы булган гражданнарның кичекмәстән Балык Бистәсе эчке эшләр бүлегенә хәбәр итүләрен сорыйбыз. Телефоннар: (884361) 22102 (дежур бүлек), 23940.
фото архив
Следите за самым важным и интересным в Telegram-каналеТатмедиа