Бүген Татарстан Республикасының Кайбыч районы территориясендә үлем очрагы белән тәмамланган юл-транспорт һәлакәте теркәлгән.
Башлангыч мәгълүматлар буенча, М-12 автомобиль юлының 709 нчы чакрымында Hyundai маркалы транспорт чарасы йөртүчесе хәрәкәт тизлеген һәм дистанцияне тиешенчә сайламау сәбәпле, алдан баручы «Валдай» йөк автомобиле белән бәрелешкән.
Юл-транспорт һәлакәте нәтиҗәсендә җиңел автомобиль йөртүчесе (1993 елгы) һәм аның өч пассажиры һәлак булган.
Вакыйга урынында Дәүләт автоинспекциясе хезмәткәрләре эшли. Юл-транспорт һәлакәтенең барлык шартлары ачыклана.
Нет комментариев