Балыкбистәлеләр алдан тавыш бирергә әзерләнәләр (фотолар)
Кичә район мәдәният йортында " Бердәм Россия" партиясенең Татарстан бүлеге Дәүләт Думасына депутатлыкка кандидатлар күрсәтү исемлеген тәгаенләү максатыннан теркәлгән кандидатлар белән очрашу уздырды. Әлеге очрашу агымдагы елның 22 нче маенда узачак алдан тавыш бирү чарасына әзерлек адымы булып тора.
Балыкбистәлеләр белән очрашуга " Бердәм Россия" партиясеннән биш кандидат килгән иде. Очрашуны партиянең региональ бүлеге вәкиле Геннадий Глушков алып барды. Алдан тавыш бирү исемлегенә кертелгән Родион Ефремов, Борис Менделеевич, Гумар Насыйбуллин, Хәйдәр Халиуллин, Раил Шамсетдинов, ягьни кандидатлыкка дәгьва кылучыларның һәркайсы үзләре күзаллаган сәяси, икьтисади, социаль программаларын тәкьдим иттеләр.Әлеге чарадан тулы мәгьлумат белән газетабызның киләсе санында танышырсыз.
Вазыйх Фатыйхов.
Автор фотолары.
Следите за самым важным и интересным в Telegram-каналеТатмедиа
Нет комментариев