Товарны кайтару тәртибе нинди?» Алинә Габдрахмановадан килгән сорауга Лаеш территориаль бүлегенең баш белгеч-эксперты Гөлнара Сафина җавап бирә.
- Югары Дәүләт Советының 2024 елның 6 декабрендәге 6 нчы номерлы Декреты белән расланган кулланучылар хокукларын яклау өлкәсендәге бердәм кагыйдәләр нигезендә, сатучы шартнамә төзегәнче кулланучыга товарның төп куллану үзенчәлекләре турында, сатучының адресы, товарны әзерләү урыны, сатучының (җитештерүченең) тулы фирма исеме турында, товарны сатып алу бәясе һәм шартлары турында, аны китерү турында мәгълүмат бирергә тиеш. Хезмәт срогы, яраклылык һәм гарантия срогы, товар өчен түләү, шулай ук товарны кире кайтару тәртибе һәм сроклары турында мәгълүмат гамәлдә була.
Кулланучы тиешле сыйфатлы товардан аны тапшырганчы теләсә кайсы вакытта, ә тапшырганнан соң җиде көн эчендә баш тартырга хокуклы.
Әгәр тиешле сыйфатлы товарны кире кайтару тәртибе һәм сроклары турында мәгълүмат товарны китерү вакытында язма рәвештә бирелмәгән булса, кулланучы товарны тапшыру вакытыннан алып өч ай эчендә товардан баш тартырга хокуклы.
Тиешле сыйфатлы товарның төре, куллану үзенчәлекләре, шулай ук әлеге товарны сатып алу фактын һәм шартларын раслый торган документ сакланып калган очракта ул кире кайтарылырга мөмкин.
Автор (Сәхифәне Гөлчәчәк Газизова әзерләде).
Нет комментариев