Шартларыгыз үтәлмәсә

-Мебельләрне яңарту, төзекләндерү хакында законда халыкка көнкүреш хезмәте күрсәтү таләпләрен җайга салуда күп кенә тәкъдим-киңәшләр китерелә. Мондый оешма белән мебельләрегезне яңартуга килешү төзегендә кулланучының барлык тәкъдим, теләкләре искә алынырга тиеш. Үзара килешүдә мебельне төзәтү хакында барлык эш күләме күрсәтелә, аңа үзгәрешләр кертелгән очракта эскизен теркәргә дә онытырга ярамый. Килешү нигезендә заказның кайсы вакытта башкарылачагы һәм хезмәт өчен түләү тәртибе, хакы күрсәтелә. Ә килешү вакыты бозылган очракта һәр узган көн яисә сәгать өчен башкарылу бәясенең өч проценты күләмендә пеня түләргә тиеш булалар. Шунысын да искәртеп үтәсе килә, башкаручы заказчы белән килешүдән тыш өстәмә рәвештә теге яки бу хезмәт өчен түләү хакын берничек тә күтәрә алмый. Кулланучы заказдагы кимчелек, җитешсезлекләрне һәм ул теләгәнчә башкарылмаган очракта язмача дәгъва белдерергә хокуклы. Инде берничек тә үзара килешә алмаган очракта, район кулланучылар оешмасына килеп мөрәҗәгать итә алалар.