Законлылык һәм хокукый тәрбия
Машина өчен кеше үтергән
Россия Югары суды 32 яшьлек Әлмәт кешесе,инженер булып эшләгән Дмитрий Пановка карата чыгарылган хөкем карарын үзгәрешсез калдырды.
Тикшерү органнары һәм суд ачыклаганча, Панов 2015 елның июнендә интернетта 4 миллион сумга Toyota Land Cruiser 200 машинасы сатылу турындагы белдерү күрә. Шуннан ул мәкерле план кора: хуҗасын үтереп, машинасына ия булырга тели.
Машина сатучы Йосыф Бабаев очрашуга дусты Гусейн Мамедов белән килә. Пановның кулында мылтык күреп, Бабаев урманга кереп кача ала. Ә ату һәм пычак ярасы алган Мамедовның гомере өзелә. Эзне бутау өчен Панов "112" хезмәтенә шалтырата, үзенә һөҗүм итүләрен хәбәр итә. Әмма тикшерүчеләр аның ялган сөйләвен аңлап ала. Ир-ат үз гаебен танымады.
Гражданлык шикаяте нәтиҗәсе буенча, Панов вафат булган Мамедовның туганнарына - 1 миллион сум, Бабаевка - 500 мең сум акча түләргә тиеш була.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев