Җаваплы Балык Бистәсе хезмәткәре җавапка тартылды

Аның нәтиҗәсендә Балык Бистәсе шәһәр җирлеге башкарма комитеты бухгалтериясе баш белгеченең урамнарны яктырту, шулай ук артык үскән агачларны кисү, ташу хезмәте күрсәтүгә контрактлар тексты әзерләгәндә ялгышлыклар җибәрүе ачыкланды. Аерым алганда, ул мондый контрактларның мәҗбүри шарты - заказчының подрядчыга акча средстволары кайтару срокларын кертмәгән. Шулай ук контракт шартларын тиешенчә үтәмәгән өчен якларның түләү шартларын (неустойка) исәпкә алмаган.

Бу фактлар буенча район прокуратурасы урындагы затка карата Россия Федерациясе Административ хокук бозулар кодексының 7.30 маддәсе 4.2 бүлегендә (Россия Федерациясенең сатып алулар өлкәсендә контракт системасы турындагы закон таләпләрен бозып конкурс документациясен раслау) каралган ике административ материал төзеде.

Россия монополиягә каршы Федераль службасының Татарстан Республикасы буенча идарәсе административ материалларны карап тикшерде. Урындагы кеше гомуми суммасы 6000 сум күләмендә административ штрафка тартылды.