Актаныш районында һәлакәткә юлыккан трактордагы 4 яшьлек бала үлгән [+фото]

автор, 13 апрель 2016 - 16:28

443

Юл-транспорт һәлакәте Актаныш районы Югары Яхшый авылында бүген 10:45 сәгатьтә булган. Тракторның юлдан төшеп каплануы аркасында 4 яшьлек баланың гомере өзелгән.

Актаныш районында һәлакәткә юлыккан трактордагы 4 яшьлек бала үлгән [+фото]

Трактор белән идарә итүче 1975 елгы ир-ат, беренчел мәгълүматлар буенча, куркынычсыз тизлек режимын арттыра, каршы як хәрәкәт полосасына чыга һәм юл читенә төшеп каплана. Пассажирлар утыртырга рөхсәт ителмәгән трактор кабинасында йөртүчедән тыш бала белән хатын-кыз да булган. Бала урында ук җан биргән. Аның әнисенең сәламәтлегенә зыян килмәгән. Ир-ат бераз гына җәрәхәт алган.

Беренчел мәгълүматлар буенча, ир-ат исерек булган.