Балык Бистәсе укытучылары өстәл теннисы уенында ярыштылар

Ир-егетләр арасында Балык Бистәсе гимназиясеннән Максим Бегунов беренче урынны яулады. Балалар сәламәтләндерү-белем бирү үзәге тренерлары Хәйдәр Зыятдинов белән Равил Миниханов икенче-өченче урыннарныбүлештеләр.

Хатын-кызлардан балалар сәламәтләндерү-белем бирү үзәге вәкиле Ольга Куприяновага тиңнәр булмады Икенче урынны Югары Тегермәнлек мәктәбе укучысы Ләйсән Габдуллина, өченче урынны Шетнево-Тулуштан Гүзәл Харисова алдылар.

Командалар арасында балаларны сәламәтләндерү-белем бирү үзәге теннисчылары өстенлеккә иреште. Балык Бистәсе гимназиясе командасы икенче урынны алды.

фото: rossoshru.ru