Балык Бистәсе районы мәктәпләренең берсеннән "Тамчы-шоу" тапшыруында катнашканнар. Ә нәтиҗәләре ничек?

Яңа Арыш мәктәбе укучылары Рәҗәп Вәлиев, Фирдүс Миннәхмәтов, Илназ Гәләвиев составындагы команда ТНВ каналындагы "Тамчы-шоу" исемле интеллектуаль һәм иҗади уенда җиңү яулап кайттылар. Рәҗәп белән Фирдүс соңгы елларда район олимпиадаларында катнашып берничә фәннән җиңүчеләр, призерлар булдылар. Алар уку отличниклары да. Мәктәп укучыларының «Тамчы - шоу»да беренче генә катнашулары түгел. Алар инде 2016 нчы елда да үзләренең көндәшләрен зур өстенлек белән отып җиңү яулаган иделәр. Шунысы игътибарга лаек, әлеге мәктәп укытучылары һәм укучылары республика, районкүләм чараларда бик актив катнашып киләләр.