Безгә язалар
Кушылыйк изге эшкә
Бу хакта инде үзем дә күптәннән уйланып йөри идем. Ничек инде фән-техника нык алга киткән заманда кыш аенда бер метр тирәнлектәге туңган җирне гади көрәк, лом белән казырга мөмкин?
Инде менә, ниһаять, районыбызның баш мөхтәсибе Сәүдахан хәзрәт Гайнетдинов тәкъдиме белән мәчет картлары кем күпме булдыра алганча акча җыеп мәчеткә күчмә генератор һәм таш вата торган чүкеч алырга карар кылганнар. Бу бик кирәкле һәм яхшы гамәл. Районда да, мөгаен, барлык мөселман кардәшләребез актив кушылырлар дип ышанам. Халкыбыз гомер-гомергә игелекле олы эшләрне бердәм көч белән башкарганнар. Бу изге гамәл өчен дә һәркайсыбыз үзеннән 100 генә сум булса да акчалата өлеш кертсә, һичшиксез, үз максатыбызга ирешер идек.
Галим Аман.
Фото:
Следите за самым важным и интересным в Telegram-каналеТатмедиа
Нет комментариев