Инде газетабызда хәбәр иткәнебезчә, 11-14 нче февраль көннәрендә «Созвездие-Йолдызлык-2019» эстрада сәнгать фестиваленең сайлап алу туры балалар иҗат үзәге, Тәб.Чаллы, Күгәрчен авылларында узды.
Анда 15 балалар бакчасыннан, 18 мәктәптән--барлыгы 165 бала чыгыш ясады. Фестиваль «Вокал-соло», «Вокал ансамбльләр», «Хореография», «Конферанс» номинацияләре буенча үткәрелде. 19-21 февраль көннәрендә балалар иҗаты үзәге хезмәткәрләре тарафыннан “Созвездие-Йолдызлык-2019”ның муниципаль этабы Балык Бистәсе мәдәният йортында оештырылды. Катнашучыларның гомуми саны -150, аларның 30 ы номинацияләр буенча финалга чыкты. Билгеләнгән номинацияләрдә җиңү яулаучылар исә 22-23 мартта Мамадыш шәһәрендә узачак республика зональ бәйгесендә көч сынашачаклар.
фотоyutazy.ru
Нет комментариев