Балык Бистәсендә яшәүче Җамалиевлар гаиләсендә виноградлар быел нык уңган

Быелгы җәй хикмәтле килде. Әүвәл салкын яңгырлары белән күңелгә шом йөгертсә дә, соңрак җылылары белән кинәндерде. Иген уңармы, яшелчә, җиләк-җимеш булырмы, дип шөбһәләнгән авыл халкы көзен уңышны мул җыйды.

-Виноградның берничә сортын үстерәбез. Бүгенгесе көнне тәлгәшләре сыгылып тора. Каен җиләгенең кызыл һәм ак сортлары әле дә бакчада пешеп утыра. Карбыз-кавыннар артык эре булмасалар да татлылыгы ягыннан Әстерханныкыннан һич калышмый,-ди Балык Бистәсеннән Рәмзия Җамалиева.

Кыяр, помидор кебек яшелчәләрне теплицада үстереп апрель азагы-май башында ук авыз итәргә өлгергәннәр инде. Көннәр матур торганлыктан, эшләргә дә күңел үсте, уңышы да күп булды, ди Җамалиевлар.

Автор Фәрвәз Каюмова.

фото Ru.123rf.com