Балык Бистәсе районы Юлсубино авылы мәдәният йортында шәхесләрне искә алалар
Шушы көннәрдә Юлсубино авыл мәдәният йортында озак еллар сәнгать җитәкчесе булып эшләгән Сабирхан Нотфуллинның якты истәлегенә багышланган "Карап торам сезне күкләрдән" кичә-концерт булып узды.
Аны һәм гаиләсен, туганнарын хөрмәтләп чарага килүчеләр шул дәрәҗәдә күп иде, хәтта тамаша залында “алма төшәрлек тә” урын калмаган.
Кичәдә чыгыш ясаган һәрбер кеше Сабирхан Нотфуллин турындагы истәлекләре белән уртаклашты, ул башкарган җырларны яңгыраттылар-яңарттылар.
Әминә Гатиятова җитәкләгән бу мәдәният йортында (сәнгать җитәкчесе Алсу Вафина) шәхесләргә багышланган мондый кичәләр югары дәрәҗәдә оештырыла.
Бу юлы да тамашачы аларга олы рәхмәтләрен җиткерде.
Нияз Шәйдуллин.
Дамир Бәдриев фотолары.
Следите за самым важным и интересным в Telegram-каналеТатмедиа
