Җәмгыятебездә хатын-кыз хәрәкәте [фото]
Узган атнада Казанның "Корстон" комплексында беренче Халыкара хатын-кызлар конгрессы булып узды. Анда район халыкны эш белән тәэмин итү үзәге директоры, район хатын-кызлар җәмгыяте җитәкчесе Рәсимә Гарифуллина һәм "Авыл офыклары" газетасы хезмәткәре, Россия Журналистлар союзы әгъзасы Фәрвәз Каюмова да катнаштылар. Шул уңайдан Рәсимә Гарифуллина белән булган әңгәмәбезне сезгә дә тәкъдим итәбез.
-Рәсимә ханым, әлеге дөнья күләмендә уздырылган конгресстан нинди тәэсирләр белән кайттыгыз?
-Бу чараның Казан шәһәрендә узуы очраклы түгел. Безнең Татарстаныбыз соңгы вакытларда үзенең күп кенә мәсьәләләрдә әйдәп баручы ролен үтәвен раслап килә. "Хатын-кызлар хәрәкәте һәм бүгенге дөнья" беренче Халыкара хатын-кызлар конгрессы да моның ачык мисалы. Әлеге чарада Россия, БДБ илләренең һәм Кытай, Бенин, Швейцария, Бразилия, Боливия, Руанда, Швеция, Бөекбритания, Иран, Алжир, Нигерия-барлыгы ике дистәдән артык илнең икътисад, сәясәт, бизнес һәм мәгариф өлкәләрендә әйдәп баручы 400 дән артык хатын-кызы катнашты. Конгрессны Татарстан хатын-кызлар җәмгыяте җитәкчесе Зилә Вәлиева алып барды. Катнашучылар арасында дөньякүләм оешмалар җитәкчеләре белән беррәттән, Татарстан республикасы районнарында оешкан хатын-кызлар хәрәкәте җитәкчеләре, төрле дәрәҗәдәге депутат хатын-кызлар, төрле компанияләрнең башлыклары һәм топ-менеджерлары, дәүләт хакимияте органнары, иҗтимагый оешмаларның вәкилләре булу әлеге чараны югары дәрәҗәгә күтәрде.
(Бу язманы газетабыздан укый аласыз).
Следите за самым важным и интересным в Telegram-каналеТатмедиа
Нет комментариев