Хокуклар һәм законлы мәнфәгатьләр үтәлергә тиеш

– Фатирда вакытлыча яшәүчеләрнең күршеләр тынычлыгын бозу очраклары да булгалый. Алар дуслары белән бергә исерткеч эчемлекләр эчеп, ызгыша-талаша башлыйлар, кисәтүгә  колак салмыйлар. 
Кайчагында ата-аналар кечкенә балаларын үзләрен генә калдырып китәләр. Алар көн буе елыйлар. Ни булганын ачыклар һәм аларга ярдәм итү өчен тиешле хезмәтләрне чакыртырга туры килә, – дип сөйлиләр алар.
Шул уңайдан без Балык Бистәсе шәһәр җирлеге башкарма комитеты җитәкчесе Марс Мәгыйзовка «Фатир хуҗалары тискәре социаль тормыш алып баручыларга торак тапшырган өчен нинди җаваплылык тоталар һәм аларга карата нинди чаралар күрелергә мөмкин? " дигән сорау белән мөрәҗәгать иттек һәм түбәндәге җавапны алдык.  
- Россия Федерациясе Торак Кодексы нигезендә торак бинадан файдалану әлеге торак бинада яшәүче гражданнарның, күршеләрнең хокукларын һәм законлы мәнфәгатьләрен, янгын куркынычсызлыгы таләпләрен, санитария-гигиена, экология һәм законнарның башка таләпләрен исәпкә алып, шулай ук Россия Федерациясе Хөкүмәте тарафыннан вәкаләт бирелгән федераль башкарма хакимият органы тарафыннан расланган торак биналардан файдалану кагыйдәләре нигезендә гамәлгә ашырыла.
РФ ТК 30 маддәсенең 4 пункты нигезендә Торак урын милекчесе, әлеге бинаны тиешле хәлдә тотарга, күршеләрнең хокукларын һәм законлы мәнфәгатьләрен, торак урыннардан файдалану кагыйдәләрен, шулай ук күпфатирлы йортта торак урыннар милекчеләренең гомуми мөлкәтен тоту кагыйдәләрен үтәргә тиеш.
РФ ГК 293 маддәсе нигезендә, әгәр Торак урын милекчесе күршеләрнең хокукларын һәм мәнфәгатьләрен системалы рәвештә боза икән, җирле үзидарә органы аны әлеге хокук бозуларны бетерү кирәклеге турында кисәтә ала. Әгәр бу күрсәтмәләр үтәлмәсә, җирле үзидарә органы, торак бинаны сату таләбе белән судка мөрәҗәгать итә ала. Сатудан алынган акча милекчегә  суд чыгымнарын алып калып   түләнә.