Татарстанда исерек хәлдә рульгә утырган машина йөртүчегә хөкем карары чыгардылар

Чаллыда исерек хәлдә рульгә утырган машина йөртүчегә карата хөкем карары чыгардылар. Бу хакта Чаллы шәһәр суды матбугат хезмәте хәбәр итә.

2020 елның декабрендә ир-атны исерек хәлдә машина белән идарә итүдә гаепле дип тапканнар, ул вакытта суд аны 4 айга колониягә хөкем итә. Аннары 2024 елның июнендә шундый ук гаебе өчен ул 8 айга ирегеннән мәхрүм ителә. Ир-ат моннан тиешле нәтиҗә ясамаган, һәм 2026 елның 7 гыйнварында ул исерек килеш кабат рульгә утырган.

Суд карары белән ир-ат 10 айга гомуми режимлы колониягә озатылды. «ВАЗ 211440» автомобиле дәүләт файдасына конфискацияләнде.