Рузилә Фәрзекаева: «Китаплар кешеләргә шатлык бүләк итсен»

- Рузилә Дамировна, әйтегез әле, хәзерге җәмгыятьтә китапханәнең нинди миссиясе бар?
- Бүгенге көндә китапханәнең миссиясе китаплар саклау урыны гына түгел, ә чын мәдәни һәм мәгариф үзәге булу. Без гражданнарның барлык категорияләре өчен белем һәм мәгълүматтан тигез файдалануны тәэмин итәргә, кешеләргә гаять зур мәгълүматлар агымында ориентлашырга, ышанычлы һәм кыйммәтле чыганаклар табарга ярдәм итәргә, укыту, иҗат һәм аралашу өчен уңайлы пространство булдырырга, мәдәни мирасны сакларга һәм укуны популярлаштырырга омтылабыз. Китапханә - ул һәркем ниндидер файдалы, яңа һәм кызыклы әйбер таба ала торган урын.
- Китапханә эшендә заманча технологияләрне ничек кулланасыз?
– Без хезмәтләрне уңайлырак һәм аңлаешлырак итү өчен заманча технологияләрне актив кертәбез: электрон каталог алып барабыз, социаль челтәрләрдә чаралар турында анонслыйбыз, кызыклы материаллар белән уртаклашабыз, аудитория белән аралашабыз, шәхсән килә алмаучылар өчен онлайн чаралар һәм трансляцияләр үткәрәбез.
- Сезнең ниндидер аеруча популяр чаралар бармы?
- Әйе, бездә кирәкле форматлар шактый: язучылар белән очрашулар һәм яңа китаплар тәкъдим итү – һәрвакыт күп кунаклар җыя; әдәби квестлар һәм викториналар — яшьләр һәм мәктәп укучылары арасында аеруча популяр; шулай ук кул эшләре, рәсем сәнгате буенча мастер-класслар, кызыксыну клублары: китап клублары, телләр өйрәнү клублары, туган якны өйрәнү клублары; балалар өчен интерактив программалар, театральләштерелгән укулар һәм анимацион күрсәтүләр.
Бигрәк тә шуны билгеләп үтәсе килә, күп кенә чараларны без җирле иҗат коллективлары һәм экспертлар белән берлектә үткәрәбез.
- Хәзерге вакытта укучылар нинди әдәбиятны өстен күрә?
– Укучылар теләге төрлечә, әмма берничә төп трендны аерып күрсәтергә мөмкин: матур әдәбият: детективлар, фантастика, фэнтези, мәхәббәт романнары; нон фикшн: психология, үз-үзеңне үстерү, сәламәт яшәү рәвеше буенча китаплар; танылган кешеләрнең биографияләре һәм мемуарлары; һөнәри үсеш һәм карьера буенча әдәбият; балалар һәм яшүсмерләр өчен китаплар — классик һәм заманча басмалар; туган якны өйрәнү әдәбияты үсә бара. Туган як тарихы һәм мәдәнияте белән кызыксыну; комикслар һәм график романнар популярлык казана, бигрәк тә яшьләр арасында.
Без фондны туплаганда бу өстенлекләрне исәпкә алырга тырышабыз һәм укучылардан даими рәвештә фикерләрен сорыйбыз.
- Соңгы елларда сезнең өлкәдә нинди үзгәрешләр булды?
- Соңгы елларда без җитди трансформация уздык: онлайн активлыкны да кертеп, чараларның яңа форматларын эшләтеп җибәрдек; китапханәләрдә навигация һәм зоналаштыру системасын яхшырттык; яшьләр һәм балалы гаиләләр белән эшне көчәйттек – махсус пространстволар һәм программалар булдырдык; мәгариф һәм мәдәният учреждениеләре белән тагын да тыгызрак хезмәттәшлекне җайга салдык.
- Якындагы 2-3 елга китапханә системасын үстерү планнары турында сөйләгез әле. 
– Якын елларга планнарыбыз түбәндәгеләрне үз эченә ала: китапханәләрне заманча җиһазлар һәм техника белән тәэмин итү; инклюзив мохитне үстерү - мөмкинлекләре чикләнгән кешеләр өчен хезмәт күрсәтүләрдән файдалану мөмкинлеген тәэмин итү; дискуссияләр, коворкинг һәм иҗат өчен зоналы яшьләр пространствосы булдыру; партнерлык элемтәләрен ныгыту.
Без китапханәләрнең актуаль һәм кирәкле булып калуын, заман таләпләренә җавап бирүен һәм һәр кешегә файдалы булуын телибез.
- Укучыларыбызга нәрсәләр телисез?
-    Китаплар кешеләргә шатлык бүләк итсен, ә китапханәләр хыяллар туа һәм идеяләр тормышка ашырыла торган урын булып калсын.  Укучыларыбыз күп булса иде.

Тансылу Мингазова.