Хатын-кызларны эшкә алмый башлаячаклар
Хатын-кызлар авыр йөк автомобильләрен йөртә, кораб төзи, бетон эшләнмәләр җитештерә… алмый. Россия Хезмәт министрлыгы хатын-кызлар өчен тыелган һөнәрләр исемлеген яңартты.
Министрлык белдергәнчә, исемлек төзегәндә, хатын-кызның бала табу сәләте һәм туачак балалары сәламәтлегенә зыян китерә торган факторларны исәпкә алганнар. Яңа документ нигезендә, хатын-кызларга химия җитештерү өлкәсендә, скважина бораулау, кара һәм төсле металл эшкәртү, нефть һәм газ чыгару тармакларында, тау, җир асты эшләрендә, кораб төзү һәм төзекләндерү, цемент, тимер-бетон һәм бетон эшләнмәләр җитештерү, таш эшкәртү, эретеп ябыштыру һ.б. эшләрдә хезмәт итү чикләнә. Яңа документ 2021 елның 1 гыйнварыннан гамәлгә керәчәк.
Фото: pixabay.com
http://saby-rt.ru/news/novosti/khatyn-kyzlarny-eshk-almyy-bashlayachaklar
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia