Кеше милкенә кул сузсаң...
Татарстан Республикасы Балык Бистәсе районы прокуратурасы 57 яшьлек җирле кешегә карата җинаять эше буенча дәүләт гаепләвен хуплады. Суд аны РФ Җинаять кодексының 158 маддәсенең 1 өлешендә каралган җинаять кылуда (урлау) гаепле дип тапты.
2024 елның 2 декабрендә көндез район үзәгендәге кафесында ир-ат, игътибарсызлык нәтиҗәсендә калдырылган хатын-кыз сумкасын урлаган. Сумканың эчендә 4 мең сум акча да булган. Шуннан соң ир-ат җинаять урыныннан кача. Беренчел һәм суд тикшерүе барышында хөкем ителүче үз гаебен тулысынча таныды һәм үкенүен белдерде, шулай ук китерелгән матди зыянны тулысынча каплады. Балык Бистәсенең 1 нче суд участогы җәмәгать судьясы карары белән ир-ат гаепле дип танылды. Аңа 8 мең сум күләмендә штраф билгеләнгән.
Максим Жолобов, Балык Бистәсе район прокуроры.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia