Башкалабыз Казанда Халыкара вертолет техникасы на салоны уздырылачак

Россия Хөкүмәте ил территориясендә хәрби продукциянең халыкара күргәзмәләрен уздыру планына үзгәрешләр кертте.

Карар нигезендә, 2026 елга планнан «МАКС-2026» халыкара авиация-космик салоны һәм «Гидроавиасалон-2026» күргәзмәсе төшереп калдырылган. Бер үк вакытта 2027 елга яңа чаралар расланды, шул исәптән май–июнь айларында Казанда узачак вертолет техникасы һәм авиация системаларының халыкара салоны. Татарстан башкаласында күргәзмәне Россия Сәнәгать һәм сәүдә министрлыгы һәм «Ростех» дәүләт корпорациясе оештырачак.

Шулай ук яңартылган график кысаларында «Гидроавиасалон-2027» сентябрьгә Геленджикта Россия Сәнәгать һәм сәүдә министрлыгы эгидасы астында планлаштырылган.

Элегрәк Мордовия делегациясе Артем Здунов җитәкчелегендә «Казанфорум» кырларында Казан вертолет заводы җитәкчелеге белән очрашкан иде. Мордовия предприятиеләре хезмәттәшлекне үстерергә планлаштыралар.