Җәмгыять
Балык Бистәсе халык театры якын тирәдәге районнар буйлап гастрольгә чыкты
Театр узган ел Гөлшат Зәйнашева әсәре буенча сәхнәләштерелгән “Чиккән кулъяулык” спектакле белән (режиссеры – Илназ Шакиров) «Идел-Йорт–2025» XIX Төбәкара театр коллективлары бәйгесендә иң мәртәбәле уңышка - Гран-Прига ия булды.
Быел исә театр коллективы шушы ук спектакльне Питрәч районының Чыты авылы һәм Сабаның Яулаштау авылы тамашачысына тәкъдим итте. Әйтергә кирәк, күршеләр балыкбистәлеләрне яратып кабул иттеләр.
Апрель аенда халык театры “Чиккән кулъяулык” спектакле белән Арча, Мамадыш якларына барырга планлаштыра.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia