Авыл җирлекләре башлыклары Анатышта тәҗрибә уртаклашты

15 июльдә Анатыш авыл җирлеге базасында Балык Бистәсе районы авыл җирлекләре башлыклары катнашында күчмә семинар-киңәшмә узды. Семинар эшендә Марий Эл Республикасы Росреестр Идарәсе җитәкчесе Аркадий Белкин катнашты.

Чараның гамәли өлеше Анатыш авыл җирлеге территориясендә урнашкан объектларны караудан башланды. Катнашучылар ҖЧҖ «Эко Дом» һәм «Логос» предприятиеләренең эшчәнлеге белән таныштылар, «Ивушка» яр буе зонасында булдылар, шулай ук үзенең һөнәре белән кунакларны таныштырган җирле оста Ринат Галиев белән очраштылар.

Соңыннан Балык Бистәсе муниципаль районы башлыгы Радик Ислямов рәислегендә пленар утырыш узды. Киңәшмә барышында авыл территорияләрен үстерүнең актуаль мәсьәләләре каралды. Катнашучылар игътибарының үзәгендә 2025–2026 елларга муниципаль берәмлекләрнең социаль-икътисади үсеше, су белән тәэмин итү чыганакларының санитар саклау зонасы проектларын рәсмиләштерү, шулай ук районның барлык авыл җирлекләрендә халык җыеннарында яңгыраган тәкъдимнәрен, сорауларын үтәү торды.

Мондый эш форматы агымдагы бурычларны тикшерергә генә түгел, ә турыдан-туры урыннарда уңышлы тәҗрибәләр белән дә танышырга мөмкинлек бирә. Анатыш авыл җирлеге тәҗрибәсе башка муниципаль берәмлекләрдә дә кулланыла ала торган нәтиҗәле карарлар алмашу өчен яхшы мисал булды.