13 яшьлек малайга һөҗүм иткән ир-атны суд кулга алган
Казанның Вахитов район суды 13 яшьлек яшүсмергә һөҗүм итүдә гаепләнүче 21 яшьлек ир-атка карата сак чарасы сайлаган.
Суд карары белән ул тикшерү изоляторына җибәрелгән.
Фаҗига 23 май иртәсендә Казанның Кәрим Тинчурин урамындагы йортларның берсе янында булган. Башлангыч мәгълүматлар буенча, ир-ат 13 яшьлек малайны эләктереп алып куаклар арасына сөйрәгән, аны буа башлаган һәм башына берничә тапкыр суккан.
Бәхеткә, үтеп баручылар вакытында ярдәмгә килгән. Алар һөҗүмчене туктатып, полиция чакырткан.
Тикшерү барышында ир-атның Барнаул шәһәрендә тууы ачыкланган. Ул тоткарланган.
Россия Эчке эшләр министрлыгының Казан буенча идарәсендә хәбәр итүләренчә, зыян күргән баланың тормышына һәм сәламәтлегенә хәзер куркыныч янамый.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia