Яман чиргә дәва үзебездә...

Комиссиядә күтәрелгән икенче көн тәртибе буенча исә, шактый еллар аксап килгән бер проблемага-күпкатлы йортларда совет сайлау мәсьәләсенә конкрет тукталынды.

Район үзәк хастаханәсендә коррупция элементларын профилактикалау максатында пациентлар, гомумән, бирегә килүчеләр арасында анкеталау үткәрүне дә комиссия даими контрольдә тотачагын искәрттеләр.

Утырышта район башкарма комитетының төзелеш-архитектура һәм торак-коммуналь хуҗалык бүлеге начальнигы Рәүф Хәсәнов, оештыру бүлеге начальнигы Светлана Шелкова, районның милек һәм җир мөнәсәбәтләре палатасы рәисе Роберт Рәшитов, район үзәк хастаханәсе баш врачы вазыйфаларын вакытлыча башкаручы Мансур Китаевның чыгышлары тыңланды.

Халыкта: "Эт өрә торыр, бүре йөри торыр"-дигән бер каприз әйтем бар. Һәр утырышта комиссия әгъзалары коррупциягә каршы юнәлтелгән көн кадак мәсьәләләрне күтәреп торалар, район газетасы аша чыгышлар ясыйлар, халык күп йөрешле урыннарда махсус ящиклар эшли, прокуратура, эчке эшләр хезмәткәрләре бу юнәлештә ныгытып эшләп торалар, Тик, ни кызганыч, кайберәүләр өчен әлеге кисәтүләр, күрсәтмәләр "стенага атылган борчак" сыман гына. Быел гына районыбыз биләмәсендә коррупцион характердагы шактый җинаятьләр ачыкланды, ачыкланып тора. Әлеге дә баягы, нәфес дигән зәхмәт авыру гына "аппетит ашаганда туа" кайтавазында тамырланырга маташа. Ә бу хакта без газетабызның алдагы саннарында район прокуроры Азат Хусаенов белән булган интервью аша тагын да якыннанрак мәгълүматланырбыз.

Вазыйх Фатыйхов.