Минем яраткан курчагым

автор, 27 декабрь 2016 - 18:23

1496

Мин балачактан ук курчакларны бик яратам, күп төрле курчакларым бар. Шулар арасыннан иң яраткан уенчыгым - ул менә бу курчак.

Аның исеме Булат. Ул курчак бик матур, үзе йомшак һәм кечкенә генә. Аның кузләре куе зәңгәр төстә, борыны килешле, авызы ачык, ап-ак ике теше күренә. Киеме дә матур, узенә бик килешә.

Минем яраткан курчагым

Әлли-бәлли бәү итә.

«5» ле алып кайтканымны

Көндә сагынып көтә.

Ә укудан кайткач, бергә,

Мәктәп-мәктәп уйныйбыз.

Матур җырлар да җырлыйбыз,

Әкиятләр укыйбыз.

Курчагымнан һич кенә дә аерыласым килми. Аны кулыма алгач, балачагымны искә төшерәм.

Әдилә Мингарипова,

Күгәрчен мәктәбенең

5 нче сыйныф укучысы.