Корбан Бердыевны очкычка утыртмаганнар

Торак - коммуналь хуҗалык хезмәткәрләре өчен 80 мең сум күләмендә әҗәте булу сәбәпле, Казан аэропортында таможня хезмәткәрләре "Рубин"ның элекке баш тренеры Корбан Бердыевны чит илгә чыгармаска карар кылган. Бердыев бурычларын аэропортта ук капласа да, чит илгә 7-10 көннән соң гына оча алачак. Әлеге вакыт аралыгында түләү турындагы документ суд приставларына килеп ирешергә тиеш.

("Ирек мәйданы" яңалыклары)

Фото yandex.ru