Чүптән арынып буламы?

Монда коммуналь хезмәткәрләр генә гаеплеме соң? Контейнерга ни туры килде, шуны чыгарып салучылар буларак, үзебездә дә гаеп җитәрлек. Бу уңайдан без "Балык бистәсе ТКХ" җаваплылыгы чикләнгән җәмгыяте директоры Фидаил Минвәлиевка мөрәҗәгать иттек. Ул менә нәрсәләр сөйләде:

-Безнең халык шулай бит инде ул. Контейнерларның һәр көнне тулы булуында да турыдан-туры коммуналь хуҗалык хезмәткәрләрен гаеплиләр. Минемчә, мәсьәләгә бер яклы гына карарга ярамый. Ныклабрак уйлап карасак халык үзе дә гаепле. Чөнки Россия Федерациясе торак кодексы нигезендә каты көнкүреш калдыклары контейнерларына хуҗалыгыңда нинди чүп бар, барысын да бергә чыгарып ташларга ярамый.