Тагын бер зур югалту...
Планетада беренче космонавт Юрий Гагаринның хатыны вафат булган. Роскосмос агентлыгы да кайгы уртаклаша.
Планетаның беренче космонавты Юрий Гагаринның тол калган хатыны Валентина Ивановна Гагарина 84 яшендә вафат булган. Бу турыда Космонавтларны әзерләү үзәгенә сылтама белән ТАСС хәбәр итте.
Валентина Гагарина 1935 елның 15 декабрендә Оренбургта туа. 1958 елда Оренбург медицина училищесын тәмамлый. 1960 елдан башлап пенсиягә чыкканчы Королев шәһәрендә урнашкан Очышлар белән идарә итү үзәгенең медицина идарәсендә эшли.
Юрий Гагарин белән Валентина студент вакытта ук таныша. 1957 елда өйләнешәләр. 1968 елда Юрий Гагарин һәлак булгач, Валентина интервьюлар бирми, иренә багышланган чараларда гына катнаша. 1986 елда «108 минут и вся жизнь» китабын чыгара. Соңгы елларын Мәскәү өлкәсендәге Йолдызлар шәһәрендә уздыра.
Гагариннарның ике баласы туа. Олы кызлары Елена 1959 елда туган, ул хәзер «Мәскәү Кремле» музей-тыюлыгының генераль директоры булып эшли. 1961 елда туган Галина Г.В Плеханов исемендәге Россия Икътисад университетында илкүләм һәм төбәк икътисады кафедрасы мөдире булып эшли. Бу турыда «Культура» каналы хәбәр итте.
http://baltaci.ru/news/%D2%97%D3%99mgyiyat/tagyn-ber-zur-yugaltu
Следите за самым важным и интересным в Telegram-каналеТатмедиа
Добавляйте наш сайт в "Избранные", чтобы всегда быть в курсе свежих новостей