Казаклар Чаллысы авылында һәрбер бәйрәм узенчәлекле уза. Бу безнең ата-бабаларыбызның гореф-гадәтләрен санлап яшәү, минемчә.
Олы көн - Христосның үлгәннән соң яңадан терелүенә багышланган бәйрәм. Аның алды көнендә авыл халкы чиркәүгә төн кичү келәвенә җыелды. Иман укучы әбиләребез авыл халкы алып килгән буялган йомыркаларны, куличларны аруландырды, бер-берсен бәйрәм белән котлады. Ә Олы көн иртәсе балаларның шатлыклы тавышлары белән башланды.
-«Христос терелеб торган!»,- балаларның тавышлары яңгырый.
-«Чыннап терелеб торган!»,- дип өлкәннәр аларны елмаеп каршылый. Бу көнгә балаларны сөендерү өчен алдан ук тәм-томнар алып куялар. Суган кабыгына манылган йомыркалар бирәләр. Ә авыл халкы бер-беренә кунакка йөрешә.
Тоткан уразаларыбыз кабул булсын, карендәшләр! Тормышлар тыныч-имин булсын!
Олеся Дмитриева.
Казаклар Чаллысы авылы.
Нет комментариев