Балык Бистәсе муниципаль районы башлыгы Илдар Таҗетдинов социаль хезмәткәрләрне һөнәри бәйрәм белән котлый

Сезне чын күңелдән һөнәри бәйрәмегез белән котлыйм. Сез авыр тормыш шартларында калган кешеләргә – ялгыз өлкәннәргә, инвалидларга, ятим балаларга, аз керемле гаиләләргә карата игътибар һәм кайгыртучанлык күрсәтәсез. Аларның сөенечләрен һәм көенечләрен уртаклашырга әзерсез, авыр чакта ярдәмгә килергә ашыгасыз, юату өчен кирәкле сүзләр таба аласыз. Кешеләргә аеруча җылы мөгамәлә, эчкерсез караш, түземлек сорый торган хезмәтегез өчен ихлас рәхмәт сүзләре җиткерәм. Бәйрәмегез көнендә сезгә һәм якыннарыгызга нык-лы сәламәтлек, бәхетле, имин тормыш, тагын бер кат түземлек һәм сабырлык, күтәренке кәеф телим.

Илдар Таҗетдинов,

Балык Бистәсе муниципаль районы башлыгы.

Фото https://fresh-cards.ru/otkrytki/professionalnye-prazdniki/otkrytki-s-dnyom-sotsyalnogo-rabotnika/kartinka-na-den-sotsialnogo-rabotnika.html