Балык Бистәсендә республикакүләм мәгариф хезмәткәрләренең кышкы Спартакиадасы старт алды-Фотолар

Районда республикакүләм мәгариф хезмәткәрләренең кышкы спартакиадасы старт алды. Районнардан 49 һәм мәгариф министрлыгыннан бер команда килде. Мәгариф министры Энгель Фәттахов үзе дә ярышларда катнашачак.

Ачылу тантанасы "Дельфин" сәламәтләндерү үзәгендә булды. Аннан командалар ярыш буласы урыннарга таралды. Сабантуй паркында чаңгы ярышы, "Дельфин" сәламәтләндерү үзәгендә волейбол, дартс, канат тарту, Агротехник техникумда өстәл теннисы ярышлары барачак. Ә шорт-трек "Поле чудес" һәм "Дельфин" сәламәтләндерү үзәге янәшәсендәге боз мәйданчыкларда башланды.